احــلــى ايـــام عمــــري



مرحباً بك عزيزي الزائر/عزيزتي الزائرة اهلاً وسهلاً بك معنا ان كنت غيرمسجل معنا في منتدانا الرائع فتكرم بالتسجيل معنا وان كنت مسجل فأدخل بياناتك واهلاً وسهلاً بك وشكراً .



ادارة المنتدى...


لــــــم اجــــــــد اجمــــل من تــلك اللحظـــــــات ! (الله هوا الموفق)
 
الرئيسيةالبوابةبحـثالتسجيلدخول
المنتدى هوا مكان يتجمع فيه الأعضاء لتبادل الخبرات , وهو معناه في كلمة واحد المنفعة المتبادلة , وليس معناه ابدا انتا تسأل ونحن نجيب , من فضلك ساهم بكل ما تستطيع للمشاركة , ولو حتى اقل الايمان كلمة شكر , فربما يكون العضو الذي تساعده اليوم سيساعدك هوا غداً , ابدأ بما تعرفه وتجنب السلبية والكسل , وتذكر دائماً كم اخذت وما المفترض ان تعطي بالمقابل .

شاطر | 
 

 المطبخ الفلسطيني اكلةا(المفتول)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير
avatar

الجنس : انثى
تاريخ الميلاد : 01/07/1991
العمر : 26
عدد المساهمات : 72

مُساهمةموضوع: المطبخ الفلسطيني اكلةا(المفتول)   الجمعة 12 أكتوبر 2012, 7:08 pm

بقدملكم وصفة يمكن بتعرفوها


(المفتول الفلسطيني ) بالخطوات المصورة من مطبخي




المفتول اكلة تراثية قديمة ومشهوورة كتييير ببلادنا
وكل منطقة الها طريقتها الخاصة فيها وبتميزها عن باقي المناطق


اليوم بقدملكم المفتول على الطريقة الغزاوية (مدينة غزة)



المفتول عبارة عن طحين وسميد وزيت ومية بينعجنو بطريقة معينة وبيتغربلو بالغربال (مصفاية خاصة بالمفتول فتحاتها كبيرة ) بيزل منها المفتول دوائر صغيرة او كرات صغيرة

طبعا عمل المفتول من الالف للياء بياخد فترة طويييييييييييييييلة لهيك نظرا لظروف الحياة بهالزمن السريع
صار المفتول ينباع بالسوبرماركت مثله مثل الرز وغيره من الاشياء.



يلا نبدا بمفتولنا لليوم


المفتول بيكون ناشف لهيك لازم نضيف عليه مية ساخنة علشان يصير طري وتنتفخ حباته


بنضيف مية لاتكون مغلية ولا باردة
تقريبا كاستين لكل 500 غ

وهي المفتول صار عنا هيك
[ندعوك للتسجيل في المنتدى أو التعريف بنفسك لمعاينة هذه الصورة]

بعد ما اضفنا المية بنتركه تقريبا ربع ساعة
علشان ينتفش ويطرى كويس


بهالوقت بنحضر البصل للمفتول
المفتول بيحتاج بصل كثيييييييييييييير


انا ما عملت غير 6 بصلات صغار لان زوجي ما بياكل البصل

البصل بنقشره من القشرة الخارجية
وبنحمل فيه حز بالسكينة من الجنب
وبنحطه بطنجرة كبيرة ليكون تحت المفتول الحب



[ندعوك للتسجيل في المنتدى أو التعريف بنفسك لمعاينة هذه الصورة]




لان ما عندي مفتولية ( طنجرة خاصة بالمفتول )

قررت اخترع مفتولية

جبت مصفاية كبيرة حديد

حطيتها فوق الطنجرة بالهشكل

[ندعوك للتسجيل في المنتدى أو التعريف بنفسك لمعاينة هذه الصورة]




وحطيت المفتول فيها

وبديت اجهز عروسة المفتول (تتبيلة المفتول بس بنسميها عروسة المفتول )

بتكون عبارة عن بصل وفلفل وجرادة خضراء وملح )

بنهرسهم بهالشكل


[ندعوك للتسجيل في المنتدى أو التعريف بنفسك لمعاينة هذه الصورة]


وبنعمل حفرة في وسط المفتول وبنضيف العروسة بالنص علشان نغطيها بالمفتول وتستوي كويس عالبخار


وبيكون عنا بهالشكل



[ندعوك للتسجيل في المنتدى أو التعريف بنفسك لمعاينة هذه الصورة]



بنغطيها بشوية مفتول طبعا


وبغطيها بغطاء الطنجرة


[ندعوك للتسجيل في المنتدى أو التعريف بنفسك لمعاينة هذه الصورة]

بس لان اللي عندي صارت شبه مفتولية (طنجرة المفتول)

والمفتول لازم يستوي عالبخار يعني مش لازم يكون في فتحات يطلع منها البخار من الطنجرة


لهيك شوي عملت
جبت بشكير المطبخ وحطيته عالفتحة اللي بيطلع منها البخار


وصارت طنجرتي بهالشكل

[ندعوك للتسجيل في المنتدى أو التعريف بنفسك لمعاينة هذه الصورة]



بما ان هالخور خطييييييييرة
وممكن لا سمح الله يوقع البشكير عالنار لا سمح الله وينحرق البيت

لازم تنتبهي كتييييييييييييييير مو شوي
وتخلي عينك عشرة على عشرة



المفتولية اللي بقولكم عنها

جبتلكم صورة عن النت

[ندعوك للتسجيل في المنتدى أو التعريف بنفسك لمعاينة هذه الصورة]


اللي تحت بيكون فيه البصل والمي او الدجاج والمي بيستوو
وبخارهم بيطلع لفوق عن طريق فتحات زي فتحات المصفاية بالطنجرة اللي تحت
وبيك بيستوي المفتول عالبخار >>> فيزياء هههه





طيب نرجع تاني


بنفس الوقت بنسلق الدجاج بطنجرة تانية

وعادي ممكن نسلقه بطنجرة المفتول اللي تحت

بس انا طنجرتي ما بتكفي فسلقته بطنجرة تانية >> كم مرة قلت طنجرة ؟؟


وبيكون الدجاج بهالشكل

[ندعوك للتسجيل في المنتدى أو التعريف بنفسك لمعاينة هذه الصورة]


بس تقريبا يكون نص استواء

بنضيف الكركم
الملح
البهارات
الفلفل الاسود
والكمون

ونص ملعقة معجون طماطم


بيصير عنا بهالشكل

[ندعوك للتسجيل في المنتدى أو التعريف بنفسك لمعاينة هذه الصورة]

بيستوي الدجاج

بنشيله من اليخنة علشان نشويه

بنحطه بصينية الفرن وبنرش الوجه للدجاج
ببهارات دجاج ورشة زيت او سمنه ليتحمر

وبنحمره

وبيكون عنا كدة

[ندعوك للتسجيل في المنتدى أو التعريف بنفسك لمعاينة هذه الصورة]




بعد ذلك

بعد مرور تقريبا ساعة ساعة وشوي بيكون المفتول استوى
احنا بنقول ( تهبل المفتول او هبلنا المفتول بفتحة مشددة على حرف الباء) > درس عربي


بنشبله المصفاية بالمفتول اللي فيها

بيكون تحت المفتول البصل اللس ستويناه

بيكون بهالشكل

[ندعوك للتسجيل في المنتدى أو التعريف بنفسك لمعاينة هذه الصورة]

بيكون مستوي بس مو دايب


المهم بنشيله وبنحطه على مرقة الدجاج (اليخنة )

علشان يغلي 10 دقايق فيها ويكتسب النكهة من الكركم والبهارات )

وبنفس اليخنة بنحط معاها حمص مسلوق


نرجع للمفتول اللي بالمصفاية >> دوختكم

المهم بنشيله من المصفاية وبنحركه علشان العروسة (التتبيلة ) تتوزع على المفتول

بيصير عنا بهالشكل

[ندعوك للتسجيل في المنتدى أو التعريف بنفسك لمعاينة هذه الصورة]


بنعمل فيه فتحه بالنص وبنحط اصبع زبدة علشان تسيح الزيدة

ويكتسب المفتول طعم وريحة تجنن

بنغطيه وبنتركه لحد ما الزبدة تسيح يعني 5 دقايق تقريبا
بعدها بنحركه لتتوزع الزبدة لكامل المفتول


وبنكون خلصنا طبختنا

المفتول استوى وصار جاهز

اليخني استوي وحطينا عليه البصل والحمص الحب المسلوق واكتسبو النكهة

الدجاج استوى


بيبقى علينا تجهيز السفرة

بنسكب اليخني بهالشكل


[ندعوك للتسجيل في المنتدى أو التعريف بنفسك لمعاينة هذه الصورة]

والمفتول بهالشكل

[ندعوك للتسجيل في المنتدى أو التعريف بنفسك لمعاينة هذه الصورة]

وبنزينه بالحمص الحب

وبتصير سفرتنا بهالشكل

[ندعوك للتسجيل في المنتدى أو التعريف بنفسك لمعاينة هذه الصورة]


وصورة من فوق

[ندعوك للتسجيل في المنتدى أو التعريف بنفسك لمعاينة هذه الصورة]


وصحة وهنا وعواف



جربوها كتتتتتتتتتتتتتتتتتير يمي يمي يمي
امووت بهالاكلة انا بالذات من ايدين جدتي الله يطول بعمرها ويشفيها
واشوفها على خير وسلامة


وما تنسو الحلى
تفضلو

_________________
__________BBBBBBBBB___________
الرجوع الى أعلى الصفحة اذهب الى الأسفل
http://www.ahla-ayam-omry.halamuntada.com
 
المطبخ الفلسطيني اكلةا(المفتول)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احــلــى ايـــام عمــــري :: اقسام المنتدى :: 

@ مــنتــدى الأســــرة @ :: قسم المطبخ

-
انتقل الى: